کراچی میں سردی کی شدت برقرار، درجہ حرارت 9 ڈگری تک گر گیا

کراچی کا موسم اور فضائی آلودگی خطرناک سطح پر پہنچ گئی، سرد اور خشک موسم کے باعث ایئر کوالٹی 221 ریکارڈ، ماہرین نے شہریوں کو احتیاط کی ہدایت جاری کر دی۔

نمائندہ خصوصی کراچی: سمعیہ خورشید

کراچی میں سردی کی شدت بدستور برقرار ہے۔ محکمہ موسمیات کے مطابق شہر میں کم سے کم درجہ حرارت 9 ڈگری سینٹی گریڈ ریکارڈ کیا گیا، جبکہ موجودہ درجہ حرارت 11 ڈگری سینٹی گریڈ ہے۔ محکمہ موسمیات کا کہنا ہے کہ آئندہ 24 گھنٹوں کے دوران موسم سرد اور خشک رہنے کا امکان ہے، جبکہ زیادہ سے زیادہ درجہ حرارت 24 سے 26 ڈگری سینٹی گریڈ تک جا سکتا ہے۔

یہ بھی پڑھیں

ایمازون کی مچھلی پاکستان تک کیسے پہنچی؟

دوسری جانب ایئر کوالٹی انڈیکس کے مطابق کراچی دنیا کے آلودہ ترین شہروں میں نویں نمبر پر موجود ہے۔

کراچی شہر میں فضائی آلودگی 221 ریکارڈ کی گئی ہے، جس کے باعث فضا کو انتہائی غیر صحت بخش قرار دیا گیا ہے۔

ماہرین نے شہریوں کو احتیاطی تدابیر اختیار کرنے کا مشورہ دیا ہے۔