اسلام آباد: بارش کے بعد سردی میں پھر اضافہ

اسلام آباد: شہر اقتدار میں تین روز سے جاری بارش کے باعث سردی میں ایک بار پھر اضافہ ہوگیا۔

اسلام آباد میں رواں ہفتے منگل کی رات سے شروع ہونے والا بارش کا سلسلہ جمعہ تک جاری رہے گا۔

بارش کے ساتھ وقفے وقفےسے سرد ہوائیں بھی چل رہی ہیں۔ اس وقت شہر درجہ حرارت   کم سے کم 13 ڈگری سینٹی گریڈ ریکارڈ کیا گیاہے۔محمکہ موسمیات کے مطابق  رواں ہفتے اسلام آباد کا زیادہ سے زیادہ درجہ حرارت 11 جبکہ کم سےکم 7 ڈگری سینٹی گریڈ رہنے کا امکان ہے۔

محکمہ موسمیات کے اعداد و شمار کے مطابق آ ئندہ ہفتے پیر کے روز اسلام آباد میں گرج چمک کے ساتھ بارش کاامکان ہے جبکہ تیز ہوائیں بھی چل سکتی ہیں۔

بارش کے بعد اسلام آباد میں اجڑے ہوئے درخت ایسے نکھر گئے ہیں جیسے طویل عرصےسے بارش کے منتظر ہوں۔ ہر طرف ہریالی ہی ہریالی دکھائی دے رہی ہےجبکہ بادلوں کی او ٹ میں چھپی ہوئی مارگلہ کی پہاڑیاں کیا ہی دل کش منظر پیش کرتی ہیں جس کی مثال شاذ و نادر ہی ملتی ہے۔