فروزاں رپورٹ
موسمیاتی تبدیلی، پانی کی حفاظت اور واش کی مناسب سہولیات کی کمی کے خطرے کو سمجھنے کی ضرورت ہے
پاکستان سمیت سندھ میں پینے کے صاف پانی، مناسب بیت الخلاء، اچھی حفظان صحت اور نکاسی و فراہمی آب کے مسائل حل کرکے ہم ایک صحت مند معاشرے کی تشکیل کرسکتے ہیں۔ پینے کے لیے دستیاب آلودہ پانی اور صفائی کے فقدان کی وجہ سے ملک میں ہر گزرتے دن کے ساتھ ماں اور بچے کی صحت سے لے کر صحت عامہ کے دیگر مسائل میں دن بدن اضافہ ہوتا جارہا ہے۔ اس صورتحال میں کمی لانے کے لیے ریڈیو، پرنٹ و الیکٹرانک میڈیا کے ساتھ سماجی میڈیا کی ویب سائٹس یو ٹیوب، ٹویٹر، انسٹاگرام، فیس بک و دیگر ذرائع ابلاغ واٹر اینڈ سینیٹیشن، ہیلتھ ہائی جینز کے مسائل کو حل کرنے میں اپنا کردار ادا کر سکتے ہیں۔
ان خیالات کا اظہار مقررین نے واٹر ایڈ پاکستان کے زیر اہتمام کراچی میں صحافیوں کے ساتھ پاکستان سمیت سندھ میں موسمیاتی تبدیلی، صاف پانی، صفائی ستھرائی، اچھی حفظان صحت، مناسب بیت الخلاء کے موضوع پر ہونے والے ایک روزہ سیشن سے خطاب کرتے ہوئے کیا۔ سیشن میں پرنٹ، الیکٹرانک اور ڈیجیٹل میڈیا سے تعلق رکھنے والے صحافیوں کی بڑی تعداد نے شرکت کی۔
اس سیشن کا مقصد موسمیاتی تبدیلی اور پانی، صفائی اور حفظان صحت (واش) کی خدمات کے درمیان اہم تعلق کو اجاگر کرنا تھا، ساتھ ہی ان مسائل کے حل میں میڈیا کی زیادہ شمولیت کی اہمیت پر زور دینا تھا۔ سیشن کی سربراہی واٹر ایڈ پاکستان سے تعلق رکھنے والے ماہر ماحولیات ڈاکٹر شکیل حیات نے کی۔
اس موقعہ پر صحافیوں سے گفتگو کرتے ہوئے ڈاکٹر شکیل حیات نے کہا کہ دنیا بھر میں ہونے والی 90 فیصد قدرتی آفات کا تعلق پانی سے ہے، موسمیاتی تبدیلی کے اثرات سے نمٹنے کے لیے لچکدار واشنظام بنانے کی ضرورت ہے۔ انہوں نے اپنی پریزنٹیشن کے ذریعے ان اقدامات کی اہمیت کو اجاگر کیا جو کمیونٹیز کو موسمیاتی تبدیلیوں کے اثرات سے بچا سکتی ہیں۔
ڈاکٹر شکیل نے موسمیاتی تبدیلی، پانی کی سلامتی اور عوامی صحت کے درمیان اہم تعلق کو واضح کرتے ہوئے ان چیلنجز سے نمٹنے کے لیے قابل عمل حل پیش کیے۔ ان کا کہنا تھا کہ ان اہم مسائل کو حل کرنے میں میڈیا اہم کردار ادا کر سکتا ہے، صاف پانی، صفائی ستھرائی اور اچھی حفظان صحت دنیا بھر میں ہر ایک کو خوش و خرم اور صحت مند زندگی گزارنے میں مدد دیتی ہے۔ واٹر ایڈ پاکستان کے موسمیاتی تبدیلی کے ماہر ڈاکٹر شکیل حیات نے کہا کہ کمزور کمیونٹیز پر موسمیاتی تبدیلی کے منفی اثرات کو کم کرنے کے لیے جہاں دوسرے عوامل کار فرما ہیں، وہیں حفظان صحت اور واش سسٹم بنانے کی اہمیت بہت زیادہ ہے۔ انہوں نے اپنی پریزنٹیشن کے ذریعے موسمیاتی تبدیلی، پانی کی حفاظت اور صحت عامہ کے درمیان اہم تعلق کو اجاگر کرتے ہوئے کہا کہ واش کی مناسب سہولیات کی کمی کے خطرے کو سمجھنے کی ضرورت ہے کیونکہ پینے کے ناقص پانی اور صفائی کی کمی کی وجہ سے پاکستان میں ماں اور بچے کی صحت سے لے کر صحت عامہ کے دیگر مسائل میں مسلسل اضافہ ہو رہا ہے۔
واٹر ایڈ کے صوبائی سربراہ محمد خلیق نے اپنے خطاب میں کہا کہ موسمیاتی لچکدار واشنظام کمیونٹیز کو موسمیاتی تبدیلی کے اثرات کے مطابق ڈھالنے کے لیے بااختیار بناتا ہے۔ میڈیا، پالیسی سازوں اور ترقیاتی شراکت داروں کے درمیان تعاون اس تبدیلی کو آگے بڑھانے اور ان لوگوں کے لیے پائیدار حل یقینی بنانے کے لیے ضروری ہے جنہیں اس کی سب سے زیادہ ضرورت ہے۔
ان کا مزید کہنا تھا کہ واٹر ایڈ ہر جگہ اور ہر کسی کے لیے صاف پانی، مناسب بیت الخلاء اور اچھی صفائی کو معمول کا حصہ بنانا چاہتی ہے۔ ہم پاکستان میں واحد عالمی غیر منافع بخش تنظیم ہیں جو صرف پائیدار اور محفوظ واش کی خدمات پر توجہ مرکوز کرتی ہے۔ ان کا مزید کہنا تھا کہ ہم حکومت اور غیر حکومتی شراکت داروں کے ساتھ مل کر اس بات کو یقینی بناتے ہیں کہ یہ اہم خدمات غریب اور پسماندہ کمیونٹیز تک، خاص طور پر خواتین، معذوری کا شکار افراد اور دیگر متاثرہ گروپوں تک پہنچیں۔
ہم موجودہ پانی، صفائی اور حفظان صحت (واش) کی خدمات کی ضروریات کو پورا کرنے اور انہیں مستقبل میں برقرار رکھنے کے لیے صحت عامہ اور موسمیاتی موافقت کے نقطہ نظر کو اپناتے ہیں۔
واٹر ایڈ سے تعلق رکھنے والے دیگر مقررین کا کہنا تھا کہ حفظان صحت کے رویے میں تبدیلی، حیض کی حفظان صحت، دیہی اور شہری صفائی، اور محفوظ پانی کے نظام، اداروں میں صفائی، صحت کی دیکھ بھال کی سہولتیں، اسکول، عوامی مقامات، پانی کے تحفظ، پانی کی ذخیرہ اندوزی اور فضلہ پانی کی صفائی کے لیے قدرتی حل، ہمارے اہداف کو حاصل کرنے کے لیے استعمال ہونے والے کچھ طریقہ کار ہیں۔ ہم اپنے شراکت داروں کے ساتھ مل کر رویے، ادارہ جاتی اور پالیسی ساز میکانزم کی حمایت اور اثر انداز ہو کر سب کے لیے محفوظ اور پائیدار واش تک رسائی کے حصول میں تیزی لانے کی کوشش کرتے ہیں، خاص طور پر غریب اور پسماندہ کمیونٹیز کے لیے۔
سیشن میں پرنٹ، الیکٹرانک میڈیا اور ڈیجیٹل میڈیا سے تعلق رکھنے والے صحافیوں کی بڑی تعداد نے شرکت کی۔ سیشن سے واٹر ایڈ پاکستان کے موسمیاتی تبدیلی کے ماہر ڈاکٹر شکیل حیات، سندھ اور بلوچستان کے صوبائی مینیجر محمد خلیق سمیت دیگر نے خطاب کیا۔ ایک روزہ سیشن کا مقصد پاکستان سمیت سندھ میں موسمیاتی تبدیلی اور پانی، صفائی ستھرائی اور حفظان صحت (واش) خدمات کے درمیان اہم تعلق کو اجاگر کرنا اور ان اہم مسائل کو حل کرنے میں میڈیا کی شمولیت کو فروغ دینا تھا۔ صاف پانی، صفائی ستھرائی اور اچھی حفظان صحت دنیا بھر میں ہر ایک کو خوش اور صحت مند زندگی گزارنے میں مدد دیتی ہے۔
واٹر ایڈ پاکستان کے موسمیاتی تبدیلی کے ماہر ڈاکٹر شکیل حیات نے کہا کہ کمزور کمیونٹیز پر موسمیاتی تبدیلی کے منفی اثرات کو کم کرنے کے لیے موسمیاتی تبدیلی کے لیے حفظان صحت واش سسٹم بنانے کی ضرورت پر روشنی ڈالی۔ انہوں نے اپنی پریزنٹیشن کے ذریعے موسمیاتی تبدیلی، پانی کی حفاظت اور صحت عامہ کے درمیان اہم تعلقات پر زور دیا ہے۔ انہوں نے کہا کہ واش کی مناسب سہولیات کی کمی کے خطرے کو سمجھنے کی ضرورت ہے کیونکہ پینے کے ناقص پانی اور صفائی کی کمی کی وجہ سے پاکستان میں ماں اور بچے کی صحت سے لے کر صحت عامہ کے مسائل میں اضافہ ہو رہا ہے۔
سندھ اور بلوچستان کے صوبائی مینیجر محمد خلیق نے سیشن کے شرکا سے اظہار خیال کرتے ہوئے کہا کہ میڈیا، پالیسی سازوں اور ترقیاتی شراکت داروں کے درمیان تعاون اس تبدیلی کو آگے بڑھانے اور ان لوگوں کے لیے پائیدار حل کو یقینی بنانے کے لیے ضروری ہے۔ اس موقع پر واٹر ایڈ پاکستان کے منتظمین نے اپنے ادارے کا تعارف کرواتے ہوئے کہا کہ واٹر ایڈ ایک بین الاقوامی غیر منافع بخش ادارہ ہے، جو ایک نسل کے اندر ہر جگہ صاف پانی، مناسب بیت الخلاء اور اچھی حفظان صحت کو ہر ایک کے لیے آسان بنانے کے لیے پرعزم ہے۔ ہم پاکستان سمیت سندھ میں واحد بین الاقوامی غیر منافع بخش تنظیم ہیں جو مکمل طور پر پائیدار اور محفوظ واش پر توجہ مرکوز کرتی ہے اور تقریباً دو دہائیوں کا اندرون ملک تجربہ اور مہارت رکھتی ہے۔
واٹر ایڈ پاکستان کے منتظمین کا کہنا تھا کہ ہم اس بات کو یقینی بنانے کے لیے سرکاری اور غیر سرکاری شراکت داروں کے ساتھ مل کر کام کرتے ہیں کہ یہ ضروری خدمات غریب اور پسماندہ برادریوں، خاص طور پر خواتین، معذور افراد اور دیگر کمزور گروہوں کے لیے دستیاب ہوں۔ ہم موجودہ پانی، صفائی ستھرائی، اور حفظان صحت (واش) سروس کی ضروریات کو پورا کرنے اور مستقبل کے لیے ان کو برقرار رکھنے کے لیے صحت عامہ اور آب و ہوا کے موافقت کے طریقہ کار کو استعمال کرتے ہیں۔ انہوں نے کہا کہ واٹر ایڈ نے 2006 میں پاکستان میں شروع کیا تھا جس پانی، صفائی اور حفظان صحت کے مسائل سے نمٹنے پر توجہ مرکوز کی ہوئی ہے جو لوگوں کی زندگیوں میں اہم کردار ادا کرتے ہیں۔
