سمیعہ خورشید (نمائندہ خصوصی)
کراچی: شہرِ قائد سمیت سندھ کے مختلف اضلاع میں آج ایک روزہ بارش کا امکان ظاہر کیا گیا ہے، جس کے بعد صوبے بھر میں سردی کی شدت میں اضافہ متوقع ہے۔
محکمہ موسمیات کے مطابق کراچی میں آج کم سے کم درجہ حرارت 13.5 ڈگری سینٹی گریڈ ریکارڈ کیا گیا، جبکہ موجودہ درجہ حرارت 16 ڈگری سینٹی گریڈ ہے۔
شہر میں ہوا میں نمی کا تناسب 84 فیصد ریکارڈ کیا گیا ہے، جبکہ شمال مشرق سے 4 کلو میٹر فی گھنٹہ کی رفتار سے ہوائیں چل رہی ہیں۔
محکمہ موسمیات کا کہنا ہے کہ آج کراچی میں زیادہ سے زیادہ درجہ حرارت 23 سے 25 ڈگری سینٹی گریڈ کے درمیان رہنے کا امکان ہے۔
اس دوران شہر اور کراچی ڈویژن کے مختلف علاقوں میں موسم جزوی طور پر ابر آلود رہنے کے ساتھ تیز ہواؤں اور گرج چمک کے ساتھ ہلکی سے معتدل بارش ہو سکتی ہے۔
محکمہ موسمیات کے مطابق کراچی کے علاوہ سندھ کے متعدد اضلاع میں بھی بارش کے امکانات ہیں، جن میں شامل ہیں:
جامشورو، دادو، ٹھٹھہ، سجاول، حیدرآباد، ٹنڈو محمد خان، ٹنڈو الہ یار، سانگھڑ، میرپورخاص، عمرکوٹ، نوشہروفیروز، شہید بینظیر آباد، خیرپور، سکھر، گھوٹکی، جیکب آباد، لاڑکانہ، قمبر شہدادکوٹ اور شکارپور۔
محکمہ موسمیات کا کہنا ہے کہ بارش کا یہ سلسلہ ایک روز تک جاری رہنے کا امکان ہے، جس کے بعد سندھ کے مختلف علاقوں میں سردی کی شدت میں مزید اضافہ متوقع ہے، خصوصاً رات کے اوقات میں موسم زیادہ سرد رہ سکتا ہے۔
یہ بھی پڑھیں
کیا جنگلاتی مصنوعات کے شعبے میں بحالی واقعی عالمی معیشت کو مستحکم کر رہی ہے؟
: محکمہ موسمیات نے شہریوں کو ہدایت کی ہے کہ
سردی میں اضافے کے باعث گرم کپڑوں کے استعمال کو یقینی بنائیں
بارش اور تیز ہواؤں کے پیش نظر احتیاطی تدابیر اختیار کریں
غیر ضروری سفر سے گریز کریں
آبنائے ہرمز ایک انتہائی اہم اور نازک سمندری راستہ ہے۔ یہاں ڈولفنز، مرجان اور دیگر…
جنگی دھماکے زمین، فضا اور پانی کو آلودہ اور تباہ کر رہے ہیں اور ماحولیاتی…
سونے کی تلاش سے گلگت بلتستان کے حساس ماحولیاتی نظام پر مائننگ کے بڑھتے دباؤ…
فوسل فیول کا نظام اگر تبدیل نہ ہوا تو مہنگائی، موسمیاتی خطرات اور معاشی عدم…
برفانی چیتے کے تحفظ کے لئے محکمہ جنگلات و جنگلی حیات گلگت بلتستان اور پاکستان…
اپریل میں ہونے والی بارش کسی خفیہ تجربے یا بیرونی مداخلت کا نتیجہ نہیں ہیں…
This website uses cookies.